അന്താരാഷ്ട്ര ഫുട്ബോളിൽ നിന്ന് തന്റെ വിരമിക്കൽ പ്രഖ്യാപിച്ച് സെനെഗൽ താരം സാദിയോ മാനെ. 2026 ഫിഫ ലോകകപ്പിൽ നിന്ന് പുറത്തായതിന് പിന്നാലെയാണ് താരത്തിന്റെ വിരമിക്കൽ പ്രഖ്യാപനം. പതിനാല് വർഷം നീണ്ട അന്താരാഷ്ട ഫുട്ബോൾ കാരിയറിനാണ് മാനേ ഈ പ്രഖ്യാപനത്തിലൂടെ വിരാമിട്ടത്.
അന്താരാഷ്ട്ര ഫുട്ബോൾ നിന്ന് വിരമിച്ചെങ്കിലും ക്ലബ് ഫുട്ബോളിലെ അദ്ദേഹത്തിന്റെ സാന്നിധ്യം തുടരും. സൗദി പ്രോ ലീഗ് ക്ലബ്ബായ അൽ-നസറിൽ തരാം ഇനിയും ബൂട്ടണിയും. 2026 ലോകകപ്പിൽ റൗണ്ട് ഓഫ് 32ൽ ബെൽജിയത്തോട് തോൽവി വഴങ്ങിയതിന് പിന്നാലെയാണ് സെനഗൽ ടൂർണമെന്റിൽ നിന്ന് പുറത്തായത്. അതിനാടകീയമായ മത്സരം തന്നെയായിരുന്നു അത്. 85 -ആം മിനിറ്റ് വരെ 2 - 0 ന്റെ ലീഡ് ഉണ്ടായിരുന്നിടത്ത് നിന്നാണ് സെനഗൽ 3 - 2 ന്റെ തോൽവി വഴങ്ങിയത്.
സെനഗലിനായി നൂറിലേറെ മത്സരങ്ങൾ കളിച്ച താരം 2021 ൽ സെനഗലിനെ ആഫ്രിക്കൻ കപ്പ് ഓഫ് നേഷൻസ് ജേതാക്കളാക്കുന്നതിൽ നിർണായക പങ്കും വഹിച്ചു. തന്റെ 34 - ആം വയസിലാണ് താരത്തിന്റെ ഈ വിരമിക്കൽ പ്രഖ്യാപനം.
Content highlight: Sadio Mane announces retirement from International football